موضوع: التقرير المُفصل ,,للقمه بين برشلونه وبايرن ميونخ الثلاثاء أغسطس 28, 2007 6:44 pm
[color=#000000]السلام عليكم ورحمة الله وبركاته ,,
سأكمل مابقي من التقرير الخاص لقمة البافاري بايرن ميونخ والكتلوني برشلونه .. ولمن لم يشاهد الجزء الأول .. فـ ليتفضل [ فقط المشتركين فى المنتدى يمكنهم رؤية الرابط . اضعط هنا للتسجيل ... ][color:5eab=#000000:5eab]
الطريق كان مزدحم للغايه .. فـ يوم الاربعاء مثلما اسلفت كان عطله هنا في مدينة ميونخ .. والسبب مناسبه كاثوليكيه !! المهم .. نزلت من التاكسي بعدما مللت الزحام .. وقلت ناخذها مشي لـحد مانوصل الملعب .. كان يبعد اقل من كيلو .. من المكان اللي نزلت فيه .. طبعا في النهايه اتضح لي اني كنت مخطئ بالنزول ..!! فالجماهير الألماني لم تكن لطيفه بسبب القميص الذي ارتديه .. فالأغلبيه تبتسم والقله .. تشتم شتموا بالألماني ولافهمت ولاعبرتهم لكن قلبوها انجليزي وهنا ماقدرت اتحمل وقابلت الشتيمه بالشتيمه .. وكـ عادة الأوروبيين شعب جبان ماعندهم الا الكلام فـ حينما تقابله وجه بـ وجه !! وتقف امامه .. يعتذر ويبتعد .. المهم وصلت للملعب .. وبحثت عن مقعدي ووجدته ..!!
بـ جانبي على اليمين عجوز المانيه وبرفقتها اربع شباب كل واحد يقول انا اتفخ [[ اسمن ]] واطول من الثاني !! جبال بكل صراحه جبااااال !! .. اول ماجلست في المقعد .. التفتت لي العجوز وقالت اووووه [[ اف سي بارسلونا ؟ ]] قلت يس يس برشلونه قالت اووووووه !! قلتلها شوفي .. البايرن فريق كويس .. لكن برشلونه يعني سوبر !! طبعا ابتسمت هي وسألتني انت اسباني ؟ قلت لا انا من السعوديه .. قالت اوووووووه !! كيف سعودي وتحب البارسا قلت في بالي لو تدخلين الفورسا بارسا وتشوفين كيف العرب يشجعون برشلونه وش بتقولين طبعا صرفت العجوز .. واخذت كم صوره ..
مثلما هو واضح في الصوره .. باقي 45 دقيقه على المباراه ..!!
وهذه صوره ثانيه علقها جمهور البايرن لـ محمد شول
طبعا محد بيفهمها ولا انا فهمتها الا يوم ترجمتها لي البنت العسل اللي كانت جالسه على يساري .. طبعا نسيت اقولكم عن هالبنتين كل وحده تقول انا احلى فتاتين المانيات يشجعون البايرن بشكل جنوني .. ويكرهون الأنديه الايطاليه بشكل جنوني !! ماعلينا
الترجمه هي .. لقد كان الشرف لنا يامحمد !! والمقصد بأن تلعب مع البايرن
طبعاً .. انا وعدت نفسي اني ماراح اصارخ .. في المباراه ولا راح اسبب اشكاليه .. لأن الألمان بصراحه اشكالهم شووويه تخوف ..!!
فـ قلت مالها داعي تنضرب ياناصر ..!!
لكن فور دخول فالديس ليتدرب على ارضية الملعب .. لم استطع ان اتمالك نفسي .. طمرت صارخت انهبلت انجنيت ..!! اعتقد كل اللي في الملعب التفتوا علي
بعد كذا طلعت اصوات الألمان بـ شتايمهم المعتاده .. وانا كأني مو سامع شي ..!!
دخل اوليفر كان .. والجماهير قامت بشكل كامل .. تحييه وتردد اغنيه خاصه له ..!! وبعد ذلك دخل بقية لاعبين البارسا .. ولم استطع ان اصمت ايضاً .. فـ صرخت ورددت نشيد البارسا بس من جد .. الجماهير الألمانيه صفقت مطولاً للبارسا ..!! ولي [ وجه يضحك ] ..!!
بعد ذلك .. خرجوا الاعبين من ارضية الملعب .. لكي يستعدوا للقاء ..!!
وبدأ الحفل الرسمي .. نشيد البايرن الرسمي .. تم تعديله لـ وادخال اسم [[ محمد شول ]] بدلاً من [[ بايرن مينشن ]] كان النشيد جداً رائع بكل صراحه ..
من مجريات الحفل .. مايهمنا نحن الكتلان .. شخص مرتدي زي غريب ولكن المهم بأن على الزي شعار البارسا .. ولقطته لكم ..
وقبل بدء اللقاء بـ دقائق ..
عادت الجماهير لـ غناء النشيد الخاص لـ محمد شول .. وعلى ارضية الملعب تم رفع بنر كبير للغايه .. خاص لـ محمد شول بـ رقمه الخاص رقم 7 ..!!
بعد ذلك .. دخل لاعبي الفريقين لأرض الملعب .. وقام المذيع الداخلي بـ ترديد اسماء لاعبين البارسا .. طبعا وقفت وقعدت اصرخ مع كل اسم للاعبين البارسا ..!! نبدأ من فالديس .. وننتهي مع فرانك ريكارد .. اكثر لاعب من لاعبين البارسا حصل على تصفيق الجمهور هو تيري هينري .. واقل شخص من الفريق الكتلوني حصل على الشتائم هو ريكارد للأسف ..!!
بدأت المباراه .. واعتقد بأن الكل شاهدها وبذلك ماله داعي نحللها .. لكن بشكل نقاط سيتم ذكر اهم ماحدث ..!!
الجماهير الألمانيه انجنت ..!! انهبلت ..!! شوي وتقتل نفسها في الملعب ..!! بعدما رد اوليفر كان انفراد تيري هينري ..!! بصراحه استغربت هذه الفرحه الجنونيه وكأن البايرن حصل على دوري ابطال اوروبا !!
رابطة البارسا كانت في الجهه الخلفيه للمرمى الأيسر .. وكان صوتها يصل في بعض اوقات المباراه لجميع ارجاء الملعب ..
من المُعيب على الفريق الألماني البايرن بأنه كان يلعب بطريقه دفاعيه مخجله !! جعلت الجماهير الألمانيه نفسها تتضايق من طريقة البايرن ..!!
بعد نهاية الشوط الأول .. ذهبت لـ شراء اي شي يبل الريق !! على قولة اخوانا الكويتيين !! وفجأه حصلت امامي الأخ فيفا بارسا 2005 ..!! طبعا كنت في الطابور .. وقلتله خلاص ماعليك انا بظبط وضعك بـ الكولا ..!!
وبعدما وصلت بعد مرور 10 دقائق .. الى العسل اللي كانت تبيع ..!! قلتلها لو سمحتي اثنين كولا ..!! وللأسف قالتلي شي عجيب !! قالت مقدر اخدمك لازم تكون معك بطاقة اسمها بايرن لايشت ..!! # هذي بطاقة تشتريها من عند الملعب .. تضع فيها رصيد اقل شي 10 يورو .. وعن طريقها تشتري مشروبات او مأكولات ..!! فـ فيفا بارسا .. بارك الله فيه دبرنا
في الشوط الثاني ,, تم تبديل بعض الاعبين .. والمُهم هو اكتشاف عدد الجماهير في الملعب ..!! مثلما هو موضح في الصوره
من الأمور التي كدت ان انضرب بسببها ..!! لقطه خاصه بين ماركيز وريبري ..!! الكره كانت مع تشابي .. راوغ احد الاعبين .. ثم مررها لـ يايا اعتقد وراوغ لاعب .. وقمت اصرخ بكل صراحه .. اوووولي اووووولي ..!! طبعا الكل يناظرني ..!! بعد كذا ريبري خطف الكره .. وحولها مرتده .. وكان منطلق بسرعة الريح !! والجماهير الألمانيه ردتها لي [[ أوووولي ]] !! لكن القيصر حبيب قلبي .. خطف الكره بشكل رائع .. فألتفت للجمهور اللي خلفي .. وقلت [[ اوووووووووووووووووووووووووووووووووولي ]] طبعا شوي وأنضرب !! الكل عصب .. ومثل ماتعرفون الشوط الثاني في ملعب الماني يعني الكل سكران
لقطه ثانيه .. عندما ضرب اوليغير ريبري .. وحصل على كرت اصفر .. الكل كان معصب وغضبانيين من ضربة اوليغير .. فـ قمت وصرخت .. [[ فاموووس اوليغيير .. يو ار ذا بيست .. فـ XX ذا جيرمن ]] !!
طبعا كلمات خرجت بلا ادراك .. والحمدلله الجماهير الألمانيه تقبلتها ومحد رد
عندما نزل جيمي جمب الى ارض الملعب .. الكل كان يضحك ويصفق له بشكل رائع .. وطبعا شاركتهم التصفيق ..!!
اما قبل نهاية المباراه .. عندما سجل ميسي الهدف ..!! لم اصدق ماحدث امامي .. صرخت صرخه والله العظيم اللي بجانبي كلهم .. وقفوا !! وقاموا يصرخون علي .. وانا طبعا بوقتها اطامر [[ مقدر اشرحها بالفصحى ]] واردد [[ اووولي اووولي اوووولي ديييغوو ديييغو ..]]
وطبعا هالمره مامرت على خير .. لأني افهم بعض الكلمات الوسخه الألماني والي انطلقت علي وانا لساني يلوط اذاني !! اذا وصل الامر لهالدرجه .. فـ رديت نفس الكلام لهم .. وقلت انا هنا وبينكم !! اذا احد عنده شي يـ تفضل ..!! وكـ عادة الألمان .. كلام فارغ فقط لاغير !! طبعا بعد انتهاء المباراه .. صرخت .. بارسا [[ آآآين ]] بايررررن [[ نوووووول ]] كامبيونيس كامبيونيس اولي اولي اولي [[ البارسا 1 .. بايرن صفر .. واحنا الأبطال ]]
طبعا الألمان سكتوا وكل واحد يمشي .. بشكل اعتيادي ..!! والبعض غاااااضب !! لكن مايتكلم ..
العجوز اللي كانت بجانبي .. ابتسمت ومشت .. وعيالها الاربعه الله يسكنهم بـ مساكنهم برضو محد منهم تكلم .. ولله الحمد والشكر ..
الغريب والعجيب والمريب .. من اتى خلفي .. وضربني على كتفي بشكل بسيط .. والتفت له !! وحصلت امامي فتاه بارعه الجمال قالتلي [[ مبروك .. والبارسا بطل اوروبا من الان ]] قالتها باللغه الاسبانيه .. قلتلها مبروك لك بعد .. بس انا مو اسباني .. قالت انا عارفه انت كتلوني قلتلها لالا انا سعودي .. وياليت نتكلم انجليزي .. لأني ماعرف اسباني ..!! ضحكت البنت وودعتني ..!! وصاحبكم مو راعي سوالف البنات فـ قلت مادام القمر قدامي [ البارسا ] مالي ومال النجوم [ البنات ]
هذي صورة رفع كأس البطوله .. تشابي القائد يدلع الكاس .. وبصحبته رونالدينهو ..
في النهايه .. خرجت وانتظرت .. الأخ فيفا بارسا .. وطلعنا مع بعض ..!! واحنا ماشين حصلت .. ثلاثه شباب واضح عليهم انهم ألمان .. ورافعين شال برشلونه [[ انتي مدريديستا ومكتوب عليه بوكسيوس نيوس ]] طبعا طبيت عليهم انا .. وقلتلهم .. [[ القوه للبوكسيوس .. اشتقنا لكم في الملاعب ..]] لكن ردوا علي وهم خايفين بشكل مو طبيعي ..[[ لالالا احنا مو بوكسيوس .. احنا مو هوليجانز ]] ههههههههههههههههههههههههههههههه فـ قلتلهم الا هذا المكتوب على الشال ..!!
قالوا اها .. واخذتنا السوالف .. ووضحوا لي بأنهم من بولندا ..!! ويعشقون البارسا للثماله .. وواحد منهم من جد خفيف دم ومسمي نفسه الفاشل [[ طبعا بتشوفون الصوره .. وواضح الحركه اللي مسويها بيده ]] !!
طبعاً اللي على اليسار الأخ فيفا بارسا الله يعافيه ..
وهذي صوره توضحه لكم اكثر وأكثر ..!!
بعد هذه الصوره .. انهيت لكم التقرير الخاص بـ زيارة اسياد الكره في العالم .. لـ مدينة ميونخ الألمانيه .. اتمنى اني ماكون قصرت في اي حاجه .. شكراً لقرائة الموضوع ..
تحياتي
kaan
المدير العام
عدد الرسائل : 565 تاريخ التسجيل : 20/08/2007
موضوع: رد: التقرير المُفصل ,,للقمه بين برشلونه وبايرن ميونخ السبت سبتمبر 01, 2007 6:29 am
موضوع: التقرير المُفصل ,,للقمه بين برشلونه وبايرن ميونخ 
الثلاثاء أغسطس 28, 2007 6:44 pm
.. فالأغلبيه تبتسم والقله .. تشتم 
شتموا بالألماني ولافهمت ولاعبرتهم لكن قلبوها انجليزي 
وهنا ماقدرت اتحمل وقابلت الشتيمه بالشتيمه .. وكـ عادة الأوروبيين شعب جبان ماعندهم الا الكلام 
بس من جد .. الجماهير الألمانيه صفقت مطولاً للبارسا ..!! ولي [ وجه يضحك ] ..!!
.. 
